छोट्या गुंतवणुकीतून जास्त नफा शेअर बाजारातून मिळतो; पण यात धोकेही अनेक असतात. कधी एकदम उसळी मारणारा हा बाजार कधी नीचांकी पातळीही गाठतो. शेअर बाजाराच्या तोट्यातून वाचण्यासाठी योग्य वेळी योग शेअर खरेदी विक्री करून भरपूर पैसा मिळवण्यासाठी जितेंद्र गाला यांनी ‘भारतातील शेअर बाजाराची ओळख’मधून मार्गदर्शन केले आहे.
गुंतवणुकीचे नियोजन, त्याचे पर्याय, सिक्युरिटीज, प्राथमिक शेअर बाजार, ‘आयपीओ’, धोक्याचे मोजमाप, दुय्यम शेअर बाजार, शेअर बाजारात उतरण्यासाठी आवश्यक गोष्टी, गुंतवणुकीचे फायदे, गुंतवणुकीतून नफा कसा मिळवायचा, शेअर बाजारावर परिणाम करणारे घटक, म्युच्युअल फंड, कमॉडिटीज, भांडवलदारांसाठी नियम, त्यांच्या अडचणी, उपाय, त्यांचे हक्क, गुंतवणूकदारांचा तोटा कशामुळे होतो, त्यांची घ्यावयाची काळजी, शेअर बाजारासंबंधी माहिती मिळवण्याचे मार्ग, भांडवलदाराला दिलेले हक्क, सेन्सेक्सची ऐतिहासिक घटना, आंतरराष्ट्रीय शेअर बाजारातील नोंदणीकृत कंपन्या, बाजारासंबंधी मराठी-इंग्रजी शब्दकोश आदी माहिती यात दिल्याने नव्या-जुन्या गुंतवणूकदारांबरोबरच, सामान्यांनाही शेअर बाजाराबाबत ज्ञान मिळते.
पुस्तक : भारतातील शेअर बाजाराची ओळख
लेखक : जितेंद्र गाला
प्रकाशक : बजिंग स्टॉक पब्लिशिंग हाउस
पाने : १७६
किंमत : २२५ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
